[英格蘭]召希斯基救急

英格蘭召希斯基救急

03/09/2007

闊別國家隊三年，希斯基終獲重召！英格蘭目前傷兵滿營，令歐國盃外圍賽出線形勢更加險峻，麥卡倫揀無可揀終於諗起希斯基。呢名大隻佬前鋒曾於利物浦和奧雲拍檔攻堅，呢對前紅軍攻擊組合，或會再產生化學作用，為「三獅兵團」解窘。

04年歐國盃後被放棄

○ 四年歐洲國家盃決賽周後，希斯基就被英格蘭放棄，未有再入選。近年他發揮持續低沉，於伯明翰踢到降班，上季加盟韋根後亦無甚佳作。勢估唔到依家英格蘭遇上 嚴重傷兵潮，目前陣中有多達十五名傷兵，麥卡倫終於要搵一堆老將幫手，繼占士、蘇甘保後，希斯基成為最新得益者。但佢想同舊拍檔奧雲再度合作，就要問過安 祖莊臣、迪科爾等競爭對手。